جدا تھے ہم تو میسر تھیں قربتیں کتنی
بہم ہوئے تو پڑی ہیں جدائیاں کیا کیا
فیض احمد فیض
تھی وصل میں بھی فکر جدائی تمام شب
وہ آئے تو بھی نیند نہ آئی تمام شب
مومن خاں مومن
اب نہیں لوٹ کے آنے والا
گھر کھلا چھوڑ کے جانے والا
اختر نظمی
تم نہیں پاس کوئی پاس نہیں
اب مجھے زندگی کی آس نہیں
جگر بریلوی
خود چلے آؤ یا بلا بھیجو
رات اکیلے بسر نہیں ہوتی
عزیز لکھنوی
اس سے ملنے کی خوشی بعد میں دکھ دیتی ہے
جشن کے بعد کا سناٹا بہت کھلتا ہے
معین شاداب
