جو گزاری نہ جا سکی ہم سے 

ہم نے وہ زندگی گزاری ہے 

جون ایلیا

 

موت کا بھی علاج ہو شاید 

زندگی کا کوئی علاج نہیں 

فراق گورکھپوری

 

زندگی کس طرح بسر ہوگی 

دل نہیں لگ رہا محبت میں 

جون ایلیا

 

زندگی شاید اسی کا نام ہے 

دوریاں مجبوریاں تنہائیاں 

کیف بھوپالی

 

دھوپ میں نکلو گھٹاؤں میں نہا کر دیکھو 

زندگی کیا ہے کتابوں کو ہٹا کر دیکھو 

ندا فاضلی

 

یوں تو مرنے کے لیے زہر سبھی پیتے ہیں 

زندگی تیرے لیے زہر پیا ہے میں نے 

خلیل الرحمن اعظمی